ნატომ მიიღო გადაწყვეტილება უკრაინისთვის „მაპის“, როგორც შემდეგი ნაბიჯის გაუქმებაზე, – ამის შესახებ ნატოს გენერალურმა მდივანმა, იენს სტოლტენბერგმა განაცხადა.
„რაც შეეხება მოწვევას, უკრაინა მიიღებს მოწვევას, როდესაც ლიდერები შეთანხმდებიან და პირობები დაკმაყოფილდება“, – განმარტა იენს სტოლტენბერგმა.
ასევე მიიღეს გადაწყვეტილება მრავალწლიან დახმარების პაკეტზე. ნატო-უკრაინის საბჭოზე პირველი საინაუგურაციო შეხვედრა ხვალ პრეზიდენტ ზელენსკის მონაწილეობით გაიმართება. განცხადება რამდენიმე წუთის წინ გენერალურმა მდივანმა იენს სტოლტენბერგმა გააკეთა. შემაჯამებელი პრესკონფერენცია ამ წუთებში მიმდინარეობს.
