უკრაინის ევროპელი მოკავშირეები ფრთხილი ოპტიმიზმით ელიან ომის დასრულების შესახებ აშშ-ის არჩეული პრეზიდენტის დონალდ ტრამპის გეგმას. ინფორმაციას Bloomberg-ი ავრცელებს.
ევროპელები იმედოვნებენ, რომ ამერიკის არჩეული პრეზიდენტი კიევს არ აიძულებს მოსკოვთან ნაჩქარევ მოლაპარაკებებში ჩაერთოს, არამედ სამშვიდობო დიალოგამდე ის უკრაინის პოზიციების გაძლიერებას შეეცდება.
Bloomberg-ი წერს, რომ დონალდ ტრამპს უკრაინის ბედი ამერიკის შეერთებული შტატებისთვის სტრატეგიულად მნიშვნელოვნად არ მიაჩნია, თუმცა ის, ავღანეთიდან ჯარების გაყვანის მსგავსი, ამერიკის იმიჯის შემლახველი გადაწყვეტილების მიღებას არ დაუშვებს.
