“IRI-ს მორიგი გაყალბებული კვლევა – ზაზა შათირიშვილი. წაიკითხეთ ზაზას წერილი ????
რენდგენია აშშ საარჩევნო ხრიკების.
ბაიდენმა მეორედ მოსვლა გამოაცხადა! ტრამპმა: ჯო ყველაზე სანარცხვინო პრეზიდენტია აშშ-ს
ისტორიაში!
NDI-ი და IRI-ი
კვლევებმა რაო
Who is Who?” – წერს რეჟისორი გოგა ხაინდრავა ტვიტერზე.
მორიგი გაყალბებული კვლევა გვაძლევს იმის დადგენის საშუალებას, თუ რა მიზნები ამოძრავებთ ამერიკელებს საქართველოს მიმართ მომდევნო ორი წლის განმავლობაში. ამის შესახებ ფილოსოფოსმა ზაზა შათირიშვილმა განაცხადა.
მისივე თქმით, სოციოლოგიური კვლევები არა იმდენად საზოგადოებრივი აზრის შესწავლის, რამდენადაც მისი ფორმირების ინსტრუმენტია. აქედან გამომდინარე, ამერიკის საერთაშორისო რესპუბლიკური ინსტიტუტის გაყალბებული კვლევის შედეგები სწორედ ამ პრიზმაში უნდა გაანალიზდეს.
„ამ თვალსაზრისით, რამდენიმე დასკვნაა ყველაზე საინტერესო:
– პარტიების გაყალბებული რეიტინგებიდან ნათლად ჩანს, რომ 2024 წლის არჩევნებისთვის ამერიკელები არჩევნების დელეგიტიმაციის ისეთივე აქტიურ კამპანიას ააგორებენ, როგორც ეს 2020 წელს გააკეთეს. ყველაფერი იმაზე მიუთითებს, რომ 2024 წელს ამერიკელები კოლექტიური ნაცმოძრაობის მორიგ მარცხთან შეგუებას არ აპირებენ და ხალხის ნების წინააღმდეგ ხელისუფლების ცვლილებას კიდევ ერთხელ ეცდებიან;
– პოლიტიკოსების გაყალბებული რეიტინგებიდან ჩანს, რომ ამერიკელები ნაცმოძრაობის გამაგრებას ფსევდოშუაშისტური პოლიტიკური ძალით შეეცდებიან. ხოშტარიას, გახარიას, ვაშაძის და სხვა ურეიტინგო პოლიტიკოსების რეიტინგების გაყალბება სწორედ ამას ემსახურება;
– ამერიკელებმა ეკლესიის რეიტინგიც გააყალბეს და მეორე ადგილზე გაიყვანეს. აქედან ჩანს, რომ ანტიეკლესიური კამპანია, რომელსაც ამერიკელები ძირითადად ენჯეოებისა და ნაცმოძრაობის პარტიული ტელევიზიების მეშვეობით აწარმოებენ, მომავალშიც აქტიურად გაგრძელდება;
– რუსეთის მოქალაქეების საქართველოში ყოფნასთან დაკავშირებული შედეგების გაყალბება იმის მაუწყებელია, რომ წინა სამივე ქსენოფობიური კამპანიის ავტორები სწორედ ამერიკელები იყვნენ და ამგვარ ქსენოფობიურ კამპანიებს ისინი სამომავლოდაც დაგეგმავენ;
– სააკაშვილის განთავისუფლების შესახებ გაყალბებული მონაცემები იმის მაუწყებელია, რომ „ფრიმიშას“ კამპანიას ამერიკელები მალე განაახლებენ და ამ გზით ქვეყანაში ვითარების არევას კიდევ ერთხელ ეცდებიან;
– ბოლოს, აგენტების კანონთან დაკავშირებული მონაცემების გაყალბება ერთ რამეს მოწმობს – ამერიკელებს ძალზე აღიზიანებთ ხელისუფლების მესიჯი იმის შესახებ, რომ ამ კანონმა თავის მიზანს უკვე მიაღწია. არადა, ფაქტია, რომ კანონპროექტმა უცხოელ აგენტებს თავისი სახელი დაარქვა და ამერიკელების მიერ 2024 წლისთვის მომზადებულ რევოლუციურ სცენარს წინასწარ საკმაოდ სერიოზული დარტყმა მიაყენა.
მადლობას ვუხდი ამერიკელებს იმისათვის, რომ სოციოლოგიური კვლევის გაყალბებით მათ საკუთარი გეგმების შესახებ დეტალური ინფორმაცია გაგვიზიარეს. საზოგადოებას ვურჩევ, ყველაფერს ამ თვალით შეხედონ და კვლევის მორიგ გაყალბებაზე ნურც ისინი გაბრაზდებიან“, – აცხადებს შათირიშვილი.
