უკრაინის პრეზიდენტმა, ვოლოდიმირ ზელენსკიმ განაცხადა, რომ უსაფრთხოების გარანტიები მხოლოდ ევროპული ქვეყნებისგან, აშშ-ის ჩართულობის გარეშე, არ იქნება საკმარისი რუსული აგრესიისგან უკრაინის გრძელვადიანი დაცვის უზრუნველსაყოფად.
„მე მივიჩნევ, რომ მხოლოდ ევროპული გარანტიები არ იქნება საკმარისი უკრაინისთვის. [უსაფრთხოების გარანტიების საკითხის] მხოლოდ ევროპელებთან განხილვა შეუძლებელია, რადგან ერთადერთი გარანტია, ამჟამად თუ მომავალში, ნატოს წევრობაა“, – აღნიშნა უკრაინის პრეზიდენტმა.
„ჩვენთვის ძალიან მნიშვნელოვანია გვყავდეს შეერთებული შტატებიც და ევროპელებიც, საერთო გადაწყვეტილებაა საჭირო. ძალიან ყოვლისმომცველი პოზიცია უნდა იყოს. ჩვენ დარწმუნებული უნდა ვიყოთ უსაფრთხოების გარანტიებში, რომლებიც ხვალ დაგვიცავს“, – დასძინა მან.
