პარტია “ხალხის ძალის” წევრი, თბილისი საკრებულოს ფრაქცია “ხალხის ძალის” თავმჯდომარე ზაქარია წიკლაური რუმინეთში, ბუქარესტის პარლამენტში გამართულ საერთაშორისო კონფერენციასა და სამუშაო შეხვედრებს დაესწრო, რომელიც საერთაშორისო ორგანიზაცია Patriots Network-ის ორგანიზებით გაიმართა.
კონფერენციის მონაწილეებმა იმსჯელეს თანამედროვე გამოწვევებზე, ეროვნული იდენტობის შენარჩუნების, დემოკრატიული ინსტიტუტების გაძლიერებისა და საერთაშორისო თანამშრომლობის პერსპექტივებზე.
“მსგავსი ფორმატის საერთაშორისო შეხვედრები მნიშვნელოვან შესაძლებლობას ქმნის სხვადასხვა ქვეყნის წარმომადგენლებს შორის გამოცდილების გაზიარებისა და იმ იდეების განხილვისთვის, რომლებიც ქვეყნის სტაბილურ განვითარებასა და ეროვნული ინტერესების დაცვას ემსახურება,”- წერს ზაქარია წიკლაური სოციალურ ქსელში.
ცნობისთვის, Patriots Network აერთიანებს 50-ზე მეტი ქვეყნის პოლიტიკურ პარტიებსა და საზოგადოებრივ-პოლიტიკურ ლიდერებს, რომელთა მიზანია გამოცდილების გაზიარება და საერთაშორისო თანამშრომლობის გაღრმავება.
