უნგრეთის პრემიერ-მინისტრი ვიქტორ ორბანი 12 დეკემბერს თურქეთში ჩავა, სადაც მას ქვეყნის პრეზიდენტი რეჯეფ თაიფ ერდოღანი უმასპინძლებს. ინფორმაციას უნგრეთის პრემიერის პრესსპიკერი ზოლტან კოვაჩი სოციალურ ქსელ X-ში ავრცელებს.
კოვაჩის განცხადებით, ორბანი ერდოღანთან უკრაინაში შექმნილ ვითარებას და ახლო აღმოსავლეთში მიმდინარე კონფლიქტებს განიხილავს. ორი ქვეყნის ლიდერი აგრეთვე 2023 წელს დამყარებულ უნგრულ-თურქული სტრატეგიული პარტნიორობის დღის წესრიგს განიხილავენ.
მოლაპარაკებების შემდეგ ორბანი უნგრულ-თურქული კულტურის სეზონის დახურვის ცერემონიაში მიიღებს მონაწილეობას.
