რუსეთის პრეზიდენტის პრესმდივანმა, დიმიტრი პესკოვმა განაცხადა, რომ უკრაინაში მიმდინარე ომი კიდევ ცოტა ხანს გაგრძელდება.
„როდესაც ეს ყველაფერი დაიწყო, დაიწყო კიევის რეჟიმის წინააღმდეგ. ახლა კი რუსეთსა და ნატოს შორის ომი გრძელდება. ამიტომაც ცოტა მეტი დრო დასჭირდა და კიდევ ცოტა ხანს გაგრძელდება“, – აღნიშნა კრემლის წარმომადგენელმა.
„ჩვენ ვაგრძელებთ სამხედრო ოპერაციას. რადგან სამშვიდობო მოლაპარაკებების შესაძლებლობას ახლა უარყოფენ როგორც კიევი, ასევე მათი ხელმძღვანელები ვაშინგტონში“, – დასძინა მან.
