გერმანიის ბუნდესტაგის საგარეო ურთიერთობათა კომიტეტის თავმჯდომარე მიხაელ როთი საქართველოს საგარეო საქმეთა მინისტრის მაკა ბოჭორიშვილის ვიზიტს უნგრეთში სოციალურ ქსელ X-ში ეხმაურება და აღნიშნავს, რომ უნგრეთს ევროკავშირის განადგურება შიგნიდან სურს.
„უნგრეთის მთავრობას ევროკავშირის განადგურება შიგნიდან სურს. რუსეთს ევროკავშირის განადგურება გარედან სურს. ეს მათ არ გამოუვათ. ზუსტად ამიტომ გვჭირდება ახლა ეროვნული ზომების მიღება მათ წინააღმდეგ, ვინც საქართველოში არჩევნები გააყალბა და მომიტინგეებზე ძალადობს“, – დაწერა როთმა.
