მიმდინარე მოლაპარაკებების დროს ჩინეთის ლიდერმა სი ძინპინმა აშშ-ის პრეზიდენტ დონალდ ტრამპთან ტაივანის თემა წამოჭრა, – ინფორმაციას CNN-ი ჩინურ მედიაზე დაყრდნობით ავრცელებს.
გავრცელებული ინფორმაციით, სი ძინპინმა ხაზგასმით აღნიშნა, რომ „ტაივანის საკითხი ჩინეთ-აშშ-ს ურთიერთობებში ყველაზე მნიშვნელოვანი საკითხია“.
“თუ საკითხი სწორად იქნება წარმართული, ორ ქვეყანას შორის ურთიერთობების სტაბილურობის შენარჩუნება შესაძლებელი იქნება. თუ ის სწორად არ იქნება წარმართული, შესაძლოა, ორი ქვეყანა ერთმანეთს შეეჯახოს ან კონფლიქტშიც კი შევიდეს, რაც ჩინეთ-ამერიკის ურთიერთობებს ძალიან საშიშ მდგომარეობაში ჩააყენებს“, – აღნიშნა სი ძინპინმა.
