მივიღეთ გადაწყვეტილება, რომ პირველკლასელთა ასაკი განისაზღვროს 6 წლით, – განაცხადა განათლების, მეცნიერებისა და ახალგაზრდობის მინისტრმა გივი მიქანაძემ განათლების რეფორმასთან დაკავშირებით გამართულ ბრიფინგზე.
მისივე თქმით, ბავშვის პირველ კლასში დარეგისტრირება შესაძლებელი იქნება მხოლოდ იმ შემთხვევაში, თუ მას 15 სექტემბრის ჩათვლით უსრულდება 6 წელი.
„რეფორმა გულისხმობს, რომ ბავშვის პირველ კლასში დარეგისტრირება შესაძლებელი იქნება მხოლოდ იმ შემთხვევაში, თუ მას 15 სექტემბრის ჩათვლით უსრულდება 6 წელი. ცვლილებები ამოქმედდება 2026-2027 სასწავლო წლისთვის“, – აღნიშნა გივი მიქანაძემ.
