უკრაინამ გამოთქვა მზადყოფნა, მიიღოს აშშ-ის წინადადება დაუყოვნებლივი, დროებითი 30-დღიანი ცეცხლის შეწყვეტის შესახებ, – ნათქვამია უკრაინისა და ამერიკის დელეგაციების ერთობლივ განცხადებაში.
„უკრაინამ გამოთქვა მზადყოფნა, მიიღოს აშშ-ის წინადადება დაუყოვნებლივი, დროებითი 30-დღიანი ცეცხლის შეწყვეტის შესახებ, რომელიც მხარეთა შეთანხმების საფუძველზე განახლდება და რომელიც რუსეთის მიერ მიღებასა და თანმიმდევრულ განხორციელებას ექვემდებარება. აშშ რუსეთს აცნობებს, რომ რუსეთის საპასუხო ნაბიჯი მშვიდობის მიღწევის გასაღებია“, – ნათქვამია განცხადებაში.
გარდა ამისა, აშშ დაუყოვნებლივ გააუქმებს სადაზვერვო ინფორმაციის მიწოდებაზე დაწესებულ პაუზას და განაახლებს უკრაინისათვის უსაფრთხოების სფეროში დახმარების გაწევას.
