უკრაინის პრეზიდენტმა, ვოლოდიმირ ზელენსკიმ განაცხადა, რომ პუტინს ტრამპის სამშვიდობო მისწრაფებებით მანიპულირება სურს.
„დღეს მოვისმინე საგარეო დაზვერვის სამსახურის მოხსენება, რომელიც ეხებოდა რუსეთის სამხედრო პოტენციალსა და პუტინის მზადყოფნას, გააგრძელოს ომი და მანიპულირება მოახდინოს მსოფლიო ლიდერებზე. კერძოდ, მას სურს მანიპულირება მოახდინოს ამერიკის შეერთებული შტატების პრეზიდენტის სურვილზე, მიაღწიოს მშვიდობას“, – აღნიშნა ვოლოდიმირ ზელენსკიმ.
