„უკრაინის უსაფრთხოების ერთადერთი გარანტია ნატოში გაწევრიანებაა“- ეს განცხადება უკრაინის საგარეო საქმეთა სამინისტრომ გამოაქვეყნა.
უწყება წერს, რომ ოფიციალური კიევი, ალიანსის სრულუფლებიანი წევრობის გარდა, პარტნიორების მიერ შეთავაზებულ ყველა სხვა გარანტიაზე უარს აცხადებს.
განცხადებაში, რომელიც უკრაინის საგარეო საქმეთა მინისტრის ანდრეი სიბიგას სახელით ვრცელდება, ნათქვამია, რომ რუსეთის სამხედრო აგრესიის ერთადერთი შემაკავებელი ძალა უკრაინის ნატოში მიღებაა.
„ბუდაპეშტის მემორანდუმის მწარე გამოცდილების გათვალისწინებით, ჩვენ არ დავთანხმდებით არავითარ ალტერნატივას, სუროგატს ან ნატოს სრულფასოვანი წევრობის შემცვლელ პირობას“, – აღნიშნულია განცხადებაში.
