17 ივლისს სტუ სამართლისა და საერთაშორისო ურთიერთობების ფაკულტეტის ინიციატივით და საჯარო სამართლის აკადემიური დეპარტამენტის ორგანიზებით პროფესორების გივი და დავით ლობჟანიძეების წიგნის „საპოლიციო სტრუქტურების სამართალი“ პრეზენტაცია გაიმართა.
ნაშრომი აერთიანებს საპოლიციო სამართლის თეორიას, საერთაშორისო გამოცდილებას, ადამიანის უფლებათა დაცვის სტანდარტებს, თანამედროვე გამოწვევებსა და საქართველოს სამართლებრივ პრაქტიკას.
ღონისძიებეაზე მოწვეული იყვნენ საქართველოს სხვადასხვა უნივერსიტეტების, საქართველოს შინაგან საქმეთა და თავდაცვის სამინისტროს ხელმძღვანელი მუშაკები, უზენაესი სასამართლოს წევრები, პარლამენტისა და სხვა სახელმწიფო დაწესებულებათა წარმომადგენლები, მწერალთა კავშირის წევრები, პროფესორ-მასწავლებლები და სტუდენტები.
დარგის სპეციალისტების შეფასებით, წიგნი საინტერესო და ღირებული შენაძენი იქნება როგორც სტუდენტებისა და მეცნიერებისთვის, ისე პრაქტიკოსი იურისტებისა და სამართალდამცავი სისტემის წარმომადგენლებისთვის.
