პატარა ფოთი და ჭალადიდი რიონის პირას გამავალი გზით ერთმანეთს დაუკავშირდება. ფოთიდან ჭალადიდში ჩასვლა არსებული გზის პარალელური, რეაბილიტირებული გზითაც იქნება შესაძლებელი.
პატარა ფოთი-ჭალადიდის დამაკავშირებელი, ოთხკილომეტრიანი გზის რეაბილიტაციის პროექტი, რომლის სახელშეკრულებო ღირებულებაც 2 918 848 ლარია, საქართველოს რეგიონებში განსახორციელებელი პროექტების ფონდისა და ხობის მუნიციპალიტეტის ბიუჯეტის დაფინანსებით ხორციელდება.
პატარა ფოთისა და ჭალადიდის ადმინისტრაციული ერთეულების დამაკავშირებელი გზის რეაბილიტაციის პროცესს ხობის მუნიციპალიტეტის მერი დავით ბუკია და საკრებულოს თავმჯდომარე ლევან ქავთარაძე გაეცნენ.
