გერმანული გამოცემა Bild-ის ცნობით, რუსეთის არმია უკრაინის დონეცკის ოლქის ქალაქ კურახოვოში შევიდა და ქალაქის ტერიტორიის დაახლოებით 15 პროცენტი დაიკავა.
The Financial Times-ი, თავის მხრივ, წერს, რომ უკრაინა უახლოეს კვირებში ქვეყნის სამხრეთითა და აღმოსავლეთით მძიმე ბრძოლებს ელოდება და ამის გამო ფრონტზე დიდი რაოდენობით სამხედრო ექიმს აგზავნის.
გამოცემის ცნობით, უკრაინის სამხედრო უწყება, ფრონტზე ცოცხალი ძალის ნაკლებობის გამო, 160 ათასი მამაკაცის მობილიზებას გეგმავს. უკრაინელი სამხედროები აღნიშნავენ, რომ ოკუპანტი დონბასში მასირებული შტურმისთვის ძალებს იკრებს.
