პაატა სალია: შესაბამისმა უწყებებმა უნდა დაადგინონ, თუ რა მიზეზით აღმოჩნდნენ სხვა პირები ფეიქრიშვილის საკანში

საერთო ჯამში, რაც არის პატიმრების რაოდენობა, გადატვირთულობა არ გვაქვს, თუმცა, არის ორი დაწესებულება, სადაც გვაქვს ხოლმე გარკვეული გადატვირთულობა, – ამის შესახებ იუსტიციის მინისტრმა ჟურნალისტების კითხვის საპასუხოდ განაცხადა.

პაატა სალია ასევე გამოეხმაურა ბრალდებული ძმების – დავით და გიორგი ფეიქრიშვილების საქმეს და აღნიშნა, რომ შესაბამისმა უწყებებმა უნდა დაადგინონ, თუ რა მიზეზით აღმოჩნდნენ სხვა პირები ფეიქრიშვილის საკანში.

„რაც შეეხება ამ კონკრეტულ შემთხვევას, ვიცით, რომ მერვე დაწესებულებაში არის ლიმიტზე მეტი რაოდენობა პატიმრებისა, თუმცა, კონკრეტულად ფეიქრიშვილების საქმეზე როცა ვსაუბრობთ, მე არ ვიცი, რამდენად იყო ეს გარემოება მიზეზი იმისა, თუ რატომ აღმოჩნდნენ ფეიქრიშვილთან ერთად საკანში სხვა პირები. მე არ ვიცი, იყო თუ არა [წარსულში] ამ პირებს შორის დაპირისპირება, ეს არის, ზოგადად, მოარული ხმები. ნებისმიერ პირს შეუძლია, ნებისმიერი რამ განაცხადოს; ჰქონდა თუ არა ამ ფაქტებს ადგილი, საბოლოო ჯამში, უნდა დაადგინოს გამოძიებამ. მე მოკლებული ვარ შესაძლებლობას, გესაუბროთ დეტალებზე, რაც ჩემთვის არ არის ცნობილი, და რასაც შესაძლოა, რომელიმე მხარე გარკვეული სპეკულაციისთვის იყენებდეს. ისეთ ფაქტებზე, რაც არ არის დადგენილი სასამართლოს მიერ, მე ვერ გაგცემთ პასუხს“, – აღნიშნა პაატა სალიამ.

ავტორი:

ბოლო სიახლეები

სოსო არჩვაძე: ეროვნული ბანკის პოზიტიური როლი არ შემოიფარგლება მხოლოდ ლარის გაცვლითი...

ეკონომიკის ექსპერტი სოსო არჩვაძე, ეროვნული ბანკის როლის შესახებ ლარის სტაბილურობისა და ინფლაციის მოთოკვის უზრუნველყოფასთან დაკავშირებით, სოციალურ ქსელში ვრცელ პოსტს აქვეყნებს. მისი განცხადებით, პერიოდულად, საქართველოს ეკონომიკის,...