პარტია „ხალხის ძალის“ აღმასრულებელმა მდივანმა გურამ მაჭარაშვილმა გერმანიის ელჩის, პეტერ ფიშერის, საქმიანობა შეაფასა და განაცხადა, რომ ის დიპლომატიური მისიის შესრულების ნაცვლად პოლიტიკურ პროცესებში მონაწილეობდა.
მაჭარაშვილის თქმით, პეტერ ფიშერი მხარს უჭერდა ძალადობრივი პროტესტის მონაწილეებს, ესწრებოდა სასამართლო პროცესებს და ამით საქართველო-გერმანიის ურთიერთობებს აზიანებდა.
„პეტერ ფიშერი იყო ადამიანი, რომელიც ყველაფერს აკეთებდა, დიპლომატიური საქმიანობის გარდა – მხარს უჭერდა ძალადობრივი პროტესტის მონაწილეებს, ესწრებოდა სასამართლო პროცესებს და აზიანებდა საქართველო-გერმანიის ურთიერთობებს. კარგია, რომ ეს ეპოქა დასრულდა. იმედი მაქვს, ახალი ელჩი, როგორც მინიმუმ, შეასრულებს თავის დიპლომატიურ მისიას,“ – განაცხადა გურამ მაჭარაშვილმა.
