აშშ-ის პრეზიდენტმა, დონალდ ტრამპმა კვირას გამოაცხადა, რომ ირანთან შეთანხმება მიღწეულია და აშშ დაასრულებს ქვეყნის საზღვაო ბლოკადას, რაც თვეების განმავლობაში მიმდინარე მოლაპარაკებებში ყველაზე მნიშვნელოვან წინსვლას წარმოადგენს.
„შეთანხმება ირანის ისლამურ რესპუბლიკასთან მიღწეულია. გილოცავთ ყველას!“ – განაცხადა ტრამპმა.
შეთანხმების დეტალები დაუყოვნებლივ არ გავრცელებულა, ხოლო თეირანს ამ განცხადებაზე კომენტარი ჯერ არ გაუკეთებია.
პრეზიდენტმა განაცხადა, რომ განკარგულებას გასცემს აშშ-ის საზღვაო ბლოკადის დაუყოვნებლივ მოხსნაზე: „მსოფლიოს გემებო, დაქოქეთ ძრავები! დაე, ნავთობმა იდინოს!“
„ამით ოფიციალურად ვადასტურებ ჰორმუზის სრუტის უსასყიდლოდ გახსნას და, ამავდროულად, დაუყოვნებლივ ვაუქმებ ამერიკის შეერთებული შტატების საზღვაო ბლოკადას“, – დასძინა ტრამპმა.
