რუსეთის საგარეო საქმეთა სამინისტრო უცხო ქვეყნის მოქალაქეებს, მათ შორის დიპლომატიური მისიებისა და საერთაშორისო ორგანიზაციების პერსონალს, მოუწოდებს, რაც შეიძლება მალე დატოვონ კიევი.
უწყების განცხადებით, სამიზნეები მთელი ქალაქის მასშტაბითაა განთავსებული. ამასთან დაკავშირებით, მათ კიევის მოსახლეობასაც მიმართეს და მოუწოდეს, თავი შეიკავონ ადმინისტრაციულ და სამხედრო ობიექტებთან მიახლოებისგან.
„ვაფრთხილებთ უცხოელ მოქალაქეებს, მათ შორის დიპლომატიური მისიებისა და საერთაშორისო ორგანიზაციების წარმომადგენლობების პერსონალს, ქალაქის რაც შეიძლება მალე დატოვების აუცილებლობის შესახებ“, – ნათქვამია რუსეთის საგარეო საქმეთა სამინისტროს განცხადებაში.
