კომუნიკაციების კომისიის თავმჯდომარემ, გოგა გულორდავამ, მარეგულირებლების რიგით 26-ე გლობალური სიმპოზიუმის (GSR-26) ფარგლებში, კოლეგა მარეგულირებელი უწყებების ხელმძღვანელებთან ორმხრივი შეხვედრები გამართა, – ინფორმაციას კომუნიკაციების კომისია ავრცელებს
უწყების ცნობით, ვიზიტის ფარგლებში, ხელი მოეწერა ორმხრივი თანამშრომლობის მემორანდუმს კომუნიკაციების კომისიასა და კვიპროსის კომუნიკაციების ოფისს (DSA) შორის. შეთანხმება მიზნად ისახავს უწყებებს შორის მჭიდრო კოორდინაციასა და გამოცდილების გაზიარებას ტელეკომუნიკაციების სფეროში არსებული აქტუალური საკითხების გარშემო.
„გოგა გულორდავამ შეხვედრები ასევე გამართა აზერბაიჯანის საინფორმაციო და სატელეკომუნიკაციო ტექნოლოგიების სააგენტოს (ICTA) თავმჯდომარე ნაილ მარდანოვთან, ბრაზილიის ეროვნული ტელეკომუნიკაციების სააგენტოს (ANATEL) პრეზიდენტ კარლოს მანუელ ბაიგორისთან, საუდის არაბეთის სამეფოს კომუნიკაციების, კოსმოსისა და ტექნოლოგიების კომისიის (CST) მმართველ ჰაითამ ალ-ოჰალისთან. შეხვედრების ფარგლებში საუბარი მარეგულირებელ უწყებებს შორის თანამშრომლობასა და სამომავლო საერთო ინიციატივებს შეეხო.
ღონისძიების ფარგლებში, გოგა გულორდავამ შეხვედრა ასევე გამართა Cullen International-ის მმართველ დირექტორთან, ეზეკიელ დომინგესთან“, – აღნიშნულია გავრცელებულ ინფორმაციაში.
