ცენტრალური საარჩევნო კომისია ახალგაზრდობის სააგენტოსთან თანამშრომლობით, საარჩევნო პროცესის შესახებ ახალგაზრდების ინფორმირების მიზნით, შეხვედრების ახალ ციკლს იწყებს. პირველი შეხვედრა ხაშურის ახალგაზრდულ ცენტრში გაიმართა.
გიორგი კალანდარიშვილი შეხვედრის მონაწილეებს არჩევნების მნიშვნელობასა და ამ პროცესში საარჩევნო ადმინისტრაციის როლზე ესაუბრა. ყურადღება გაამახვილა ახალგაზრდების მონაწილეობის მნიშვნელობაზე საარჩევნო პროცესში. ისაუბრა დეზინფორმაციაზე, როგორც საარჩევნო პროცესის გამოწვევაზე და მასთან გამკლავების გზებზე.
