„კითხვა უნდა იცოდე ქართულად, წაკითხულიდან აზრის გამოტანა უნდა შეგეძლოს და არ უნდა იყო ანგაჟირებული,“ – განაცხადა „ხალხის ძალის“ წევრმა დავით ქართველიშვილმა ირანში განვითარებული მოვლენებისადმი საქართველოს მთავრობის განცხადებაზე, რომელიც ქართულმა ოპოზიციურმა სპექტრმა ხელისუფლების მხრიდან ირანის მმართველობისადმი თანაგრძნობის გამოხატულებად წარმოაჩინა.
დავით ქართველიშვილი აცხადებს, რომ მთავრობის განცხადება რამდენიმე მიზანს ემსახურებოდა – ერთი ის, რომ საქართველო რჩებოდა ქვეყნად, სადაც შესაძლებელი იქნებოდა სამშვიდობო პროცესის წარმართვა და მეორე, წერილში გამოთქმული იყო სამძიმარი ირანში შექმნილი ჰუმანიტარული კატასტროფის გამო.
„კითხვა უნდა იცოდე ქართულად, წაკითხულიდან აზრის გამოტანა უნდა შეგეძლოს და არ უნდა იყო ანგაჟირებული, გაბოროტებულლი უსამშობლო არსება. ხომ შეიძლება მეც რაღაც მომწონდეს ოპოზიციურ სპექტრში, მაგალითად, განცხადება, ან ქმედება და რატომ უნდა მრცხვენოდეს ამის აღიარება? მაგრამ, როდესაც შენი ხელისუფლება საკუთარ ხალხს და ქვეყანას უნარჩუნებს პლატფორმას მომდევნო მოლაპარაკებებისთვის, შესაძლო სამშვიდობო შეხვედრებისთვის, დაპირისპირებული მხარეების მიღებისთვის, როგორ შეიძლება ამაში დაინახო ნეგატივი? როდესაც არც ერთი მხარე არ გამორჩა ხელისუფლებას – ირანელ ხალხს სამძიმარი გამოუცხადა იმ ჰუმანიტარული კატასტროფისა და მსხვერპლის, მათ შორის დაღუპული ბავშვების და მათი ლიდერის გარდაცვალების გამო, როდესაც ისრაელის ხალხს მიმართა ასევე სამძიმრით, იმიტომ, რომ იქაც არიან დაღუპულები სამშვიდობო მოსახლეობაში და ასევე მიმართა სპარსეთის ყურის ქვეყნების ლიდერებს, რომელებიც ჩვენი პარტნიორები არიან და რომლებთანაც წლებია ვთანამშროლობთ, როგორ შეიძლება დაინახო ნეგატივი?
ამავდროულად, არ შეეხო ისეთ თემებს, როგორიცაა მაგალითად ის, რომ იგივე ბრიტანეთი და ესპანეთი ირანულ კამპანიაში აშშ-თან არ თანამშრომლობენ. აგერ არიან ამერიკის ყველაზე დიდი მეგობრები, რომლებმაც ანტიამერიკული განცხადებები გააკეთეს და ისმის მათ მიმართ ოპოზიციური შეშფოთებული აღშფოთება?“ – განაცხადა დავით ქართველიშვილმა.
