საგარეო საქმეთა მინისტრმა, მაკა ბოჭორიშვილმა, ბოლო დღეებში აშშ-ის წარმომადგენლებთან ოფიციალურ შეხვედრებთან დაკავშირებით ოპოზიციის მიერ გაჟღერებულ სპეკულაციებზე ისაუბრა.
საგარეო საქმეთა მინისტრის განცხადებით, საკმაოდ შინაარსიანი საუბარი შედგა, როგორც ჯეი დი ვენსთან, ისე მარკო რუბიოსთან და განიხილეს ის მნიშვნელოვანი საკითხები, რომლებიც საქართველოს და აშშ-ის დღის წესრიგში დგას.
„ორივე დღეს ჩვენ გვქონდა შესაძლებლობა კომუნიკაცია გვქონოდა აშშ-ის წარმომადგენლებთან. პირველ დღეს უფრო მეტად კომუნიკაცია შედგა აშშ-ის ვიცე პრეზიდენტთან, ჯეი დი ვენსთან, ხოლო მეორე დღეს უფრო მეტად საუბარი შედგა სახელმწიფო მდივანთან, მარკო რუბიოსთან, რომელიც იყო საკმაოდ შინაარსიანი და იმ მოკლე დროშიც ჩვენ შევძელით იმ მნიშვნელოვან საკითხებზე ყურადღების გამახვილება, რაც დღეს დგას საქართველო-აშშ-ის დღის წესრიგში,“- განაცხადა მაკა ბოჭორიშვილმა.
