სასურსათო პროდუქციის, მედიკამენტებისა და საწვავის ფასების რეგულირებასთან დაკავშირებულ სპეციალურ კომისიას ამჯერად პარლამენტი ქმნის. შესაბამისი დადგენილების პროექტი დღეს პარლამენტის ბიუროს წარედგინება, რის შემდეგაც, მიმდინარე კვირას, პარლამენტის პლენარულ სხდომაზე კომისიის შექმნას კენჭს უყრიან. კომისიის წევრთა რაოდენობასა და კვოტებს უკვე პარლამენტის საპროცედურო საკითხთა და წესების კომიტეტი დაადგენს.
ცნობილია, რომ ფრაქცია „ქართული ოცნების” ინიციატივით კომისიას ეკონომიკური პოლიტიკის კომიტეტის თავმჯდომარე შოთა ბერეკაშვილი უხელმძღვანელებს. კომისიის სხდომები საზოგადოებისთვის საჯარო იქნება.
