სპეცრაზმი აქციის მონაწილეების დაშლას წყლის ჭავლის გამოყენებით ცდილობს. მანამდე აგრესიული პროტესტის მონაწილეები ხმოვანი სიგნალის საშუალებით გააფრთხილეს. დემონსტრანტები კვლავ ცდილობენ პრეზიდენტის სასახლეში შეჭრას.
შეგახსენებთ, რომ რადიკალური ოპოზიციის მხარდამჭერებმა ცოტა ხნის წინ მოახერხეს პრეზიდენტის სასახლის ეზოში შეღწევა. მათ ჯებირები დააზიანეს, თუმცა სამართალდამცველებმა დემონსტრანტებს ეზო მალევე დაატოვებინეს.
ადგილზე იმყოფება პაატა ბურჭულაძეც. სწორედ მან მოუწოდა აქციის მონაწილეებს, რომ ათონელის ქუჩაზე პრეზიდენტის სასახლესთან გადაენაცვლათ.
