კომისიის მიზანი იქნება იმ დანაშაულების გამოძიება და სისტემური დანაშაულის საბოლოო შეფასება, რომელიც „ნაციონალური მოძრაობის“ ხელისუფლებაში ყოფნის დროს იყო მათ მიერ ჩადენილი ჩვენ ქვეყანაში, – განუცხადა „ქრონიკას“ საპროცედურო საკითხთა და წესების საპარლამენტო კომიტეტის თავმჯდომარე, უმრავლესობის წევრმა დავით მათიკაშვილმა დროებითი საგამოძიებო კომისიის შექმნის შესახებ.
„ეს კომისია იქნება ის ფორმატი, ხალხის დაკვეთით და ხალხის სურვილით შექმნილი საგამოძიებო, საპარლამენტო ფორმატი, რომელიც სწორედ იმ საკითხებს გამოიძიებს, რაც ესოდენ აინტერესებს და აწუხებს ჩვენ საზოგადოებას“, – აღნიშნა დავით მათიკაშვილმა.
საქართველოს პარლამენტში საგაზაფხულო სესიის პირველივე კვირაში შეიქმნება 2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისია.
