დღეს დილით რუსეთის შეიარაღებული ძალების მიერ კიევის დაბომბვის შედეგად დაზიანდა შენობა, რომელშიც არგენტინის, ალბანეთის, მონტენეგროს და პორტუგალიის საელჩოებია განთავსებული. ინფორმაციას უკრაინული მედია ავრცელებს.
მომხდარის გამო პორტუგალიის საგარეო უწყებაში რუსეთის საელჩოს დროებითი რწმუნებული დაიბარეს და პროტესტი გამოუცხადეს. მოგვიანებით პორტუგალიის საგარეო საქმეთა მინისტრმა პაულუ რანჟელმა განაცხადა, რომ დიპლომატიურ მისიაზე თავდასხმას მკაცრი რეაგირება უნდა მოჰყვეს.
როგორც პორტუგალიის საგარეო საქმეთა მინისტრმა განაცხადა, საჰაერო იერიშის შედეგად შენობაში, სადაც საელჩოებია განლაგებული, ჩაიმსხვრა მინები და დაზიანდა კარები. დაშავებულების შესახებ ინფორმაცია არ ვრცელდება.
