ისრაელმა ბეირუთის ცენტრში მასირებული საჰაერო იერიში მიიტანა, რასაც მსხვერპლი მოჰყვა. ლიბანის ეროვნული საინფორმაციო სააგენტოს ცნობით, ბეირუთის ბასტას უბანში რვასართულიან საცხოვრებელი შენობას ხუთი რაკეტა მოხვდა. „ჰეზბოლას“ მიერ კონტროლირებადი მედიასაშუალება „ალ მანარი“ ლიბანის ჯანდაცვის სამინისტროს ინფორმაციაზე დაყრდნობით იუწყება, რომ დაიღუპა ოთხი და დაშავდა 23 ადამიანი.
ისრაელის სამხედრო ძალებს თავდასხმასთან დაკავშირებით ჯერ კომენტარი არ გაუკეთებიათ.
