აშშ-ის საშინაო უსაფრთხოების მდივანი კრისტი ნოემი აცხადებს, რომ მას გულახდილი საუბარი ჰქონდა ისრაელის პრემიერ-მინისტრთან, ბენიამინ ნეთანიაჰუსთან აშშ-ირანის მოლაპარაკებების თაობაზე.
„პრეზიდენტმა ტრამპმა სპეციალურად გამომგზავნა აქ, რომ პრემიერ-მინისტრთან მქონოდა საუბარი იმაზე, თუ როგორ მიმდინარეობს ეს მოლაპარაკებები და რამდენად მნიშვნელოვანია, რომ გაერთიანებული დავრჩეთ და ამ პროცესს საშუალება მივცეთ, განვითარდეს“, – აღნიშნა ნოემმა „ფოქს ნიუსთან“ ინტერვიუში.
შეგახსენებთ, რომ ნოემი ისრაელში იმყოფება, სადაც პრემიერ-მინისტრ ბენიამინ ნეთანიაჰუს 25 მაისს შეხვდა. შეხვედრისას ნოემმა გამოხატა ურყევი მხარდაჭერა ნეთანიაჰუსა და ისრაელის სახელმწიფოს მიმართ.
