საქართველოს ტურიზმის ეროვნული ადმინისტრაცია დიდ ბრიტანეთში,
მსოფლიოში ერთ-ერთ უდიდეს ტურისტულ გამოფენაში კერძო სექტორთან ერთად
მონაწილეობს. WTM London 2024-ზე 21 ქართული ტურისტული კომპანია და
სასტუმროა წარდგენილი. გამოფენაში საქართველოს მონაწილეობას აფასებს
ტურისტული კომპანია Visit Georgia-ს წარმომადგენელი ანა მაცაბერიძე.
„ჩვენ ვმონაწილეობთ ძალიან ბევრ გამოფენაზე, მათ შორის, WTM-ზეც, რომელიც
ლონდონში იმართება. ეს გამოფენა გვაძლევს ძალიან დიდ პერსპექტივას, არა
მარტო ჩვენს კომპანიას, არამედ მთლიანად ქვეყანას, რომ მსოფლიოს ყველა
კუთხის წარმომადგენელმა გაგვიცნოს და გაიცნოს საქართველოს ტურისტული
მიმართულება“,-განაცხადა ანა მაცაბერიძემ.
WTM London 2024-ზე, საქართველოს სტენდთან, დამთვალიერებლებს საშუალება
აქვთ გაეცნონ ქვეყნის ტურისტულ მიმართულებასა და ტურისტულ პროდუქტებს.
WTM London 2024-ზე, 180-ზე მეტი ქვეყნიდან დაახლოებით 4 ათასი ტურისტული
კომპანია და ორგანიზაციაა წარდგენილი, გამოფენის ვიზიტორთა რაოდენობა 40
ათასია.
„WTM London-ის გამოფენა ძალიან დიდ პერსპექტივას გვაძლევს მსოფლიოს ყველა კუთხის წარმომადგენელმა გაიცნოს საქართველოს ტურისტული მიმართულება“,- ანა მაცაბერიძე
ავტორი:
ბოლო სიახლეები
აშშ-ის სასამართლომ დაბლოკა ტრამპის ბრძანება, რომელიც ე.წ. „სამშობიარო ტურიზმს“ კრძალავს
⚖️🇺🇸 მერილენდის ფედერალურმა სასამართლომ ტრამპის ადმინისტრაციის ბრძანების ამოქმედება დროებით შეაჩერა. საქმეზე საბოლოო გადაწყვეტილება ჯერ მიღებული არ არის.
