აშშ-ის ხელისუფლებამ მიიღო გადაწყვეტილება დატოვოს საერთაშორისო საგამოძიებო ჯგუფი, რომელიც რუსეთის უკრაინაში შეჭრის საკითხს იძიებს. ინფორმაციას The New York Times-ი საკუთარ წყაროებზე დაყრდნობით ავრცელებს.
ინფორმაციის თანახმად, ამერიკის იუსტიციის დეპარტამენტის თანამშრომლებმა ევროპელ კოლეგებს გადაწყვეტილება უკვე აცნობეს. ვაშინგტონი საკუთარ გადაწყვეტილებას დღეს ოფიციალურად გამოაცხადებს.
როგორც სტატიაშია აღნიშნული, აშშ აღნიშნულ ჯგუფს 2023 წლის ნოემბერში ჯო ბაიდენის ადმინისტრაციის დროს შეუერთდა. ამერიკის მოქმედი პრეზიდენტის, დონალდ ტრამპის ადმინისტრაცია, თავის მხრივ, საკუთარ გადაწყვეტილებას სახელმწიფო ხარჯების გადანაწილებით ხსნის.
გარდა ამისა, აშშ-ის იუსტიციის დეპარტამენტი უკრაინასთან რუსეთის მოქმედებების გამოძიების ფარგლებში თანამშრომლობას ამცირებს.
