„ჩვენ ვართ ფარი იმ თითოეული ჯარისკაცისა და ოფიცრისთვის, რომლებიც სიკვდილისა და სასჯელისთვის გაწირა „ნაციონალურმა მოძრაობამ“, – ამის შესახებ მედიასთან პარლამენტის ვიცე-სპიკერმა და „ხალხის ძალის“ თავმჯდომარემ სოზარ სუბარმა განაცხადა, დროებითი საპარლამენტო-საგამოძიებო კომისიის მუშაობის მიზანზე საუბრისას.
მისი თქმით, ის რომ, კონფლიქტის გამწვავებისკენ მიდიოდნენ, აღიარებული აქვს „ნაციონალურ მოძრაობას“ ევროსაბჭოს რეზოლუცია „16-33-ში“, სადაც, საქართველოს, პრაქტიკულად, ომისა და საბრძოლო მოქმედებების დაწყება დააბრალეს.
„საგამოძიებო კომისიის მუშაობის მიზანი არის „ნაციონალური მოძრაობის“ მიერ ჩადენილი დანაშაულების გამოძიება, რეჟიმისთვის სახელის დარქმევა და იმ უმაღლესი თანამდებობის მქონე პირთა გასამართლება, რომელთაც ყველაფერი გააკეთეს იმისთვის, რომ საქართველო აგვისტოს ომში აღმოჩენილიყო.
ის რომ, კონფლიქტის გამწვავებისკენ მიდიოდნენ, აღიარებული აქვს „ნაციონალურ მოძრაობას“ ევროსაბჭოს რეზოლუცია „16-33-ში“, სადაც, პრაქტიკულად, საქართველოს სახელმწიფოს ომისა და საბრძოლო მოქმედებების დაწყება დააბრალეს“, – აღნიშნა სოზარ სუბარმა.
