Reuters: კომპანია Bosch-მა, ჩინური ჩიპების დეფიციტის გამო სამ ქარხანაში წარმოება შეაჩერა

გამოცემა Reuters-ი წერს, რომ კომპანია Bosch-ს წარმოებაში პრობლემები აქვს და სამ ქარხანაში სერიოზულ შეფერხებებს განიცდის.

კომპანიის ცნობით, ათასობით დაზარალებული თანამშრომელია.

„ამჟამად შეგვიძლია დავადასტუროთ, რომ ანსბახის, ზალცგიტერისა და ბრაგას ქარხნებში წარმოება კვლავ შეფერხებულია“- ამის შესახებ კომპანიის წარმომადგენელმა Reuters-ს განუცხადა.

გამოცემის ცნობით, მიწოდების კრიზისის გამო Bosch-ი საჭიროებისამებრ მუშებს სახლში უშვებს.

როგორც გამოცემა წერს, კომპანიის პრესსპიკერის განმარტებით, გერმანიაში კომპანია „საჭიროების მიხედვით“ სახელმწიფოს მიერ მხარდაჭერილი ანაზღაურებადი სამუშაო პროგრამით სარგებლობს: ზალცგიტერის ქარხანაში (სულ 1 300 თანამშრომელი) 300-400 ადამიანი, ხოლო ანსბახში (სულ 2 500 თანამშრომელი) დაახლოებით 650 თანამშრომელია დროებით გათავისუფლებული. პორტუგალიის ქალაქ ბრაგაში მდებარე ქარხანაში (სულ 3 300 თანამშრომელი) 2 500-მდე ადამიანია დაზარალებული.

Bosch-მა განაცხადა, რომ ყურადღებით აკვირდება სავაჭრო-პოლიტიკური მოვლენების განვითარებას და მიუთითა ჩართულ მხარეებს შორის მოლაპარაკებების დაწყებისკენ გადადგმულ „პირველ ნაბიჯებზე”.

სტატიაში აღნიშნულია, რომ ნიდერლანდების ეკონომიკის სამინისტროს მაღალი თანამდებობის პირები ამ კვირაში პეკინში ჩავლენ კომპრომისის მოსაძებნად.