ფოთში, ტრაილერების მძღოლები აქციას მართავენ. როგორც თავად მძღოლები აცხადებენ, მიზეზი სატრანსპორტო ლოჯისტიკური კომპანიებიდან შემოთავაზებული დაბალი ტარიფებია.
მძღოლები საქართველოს მთავრობას თხოვნით მიმართავენ, გაუქმდეს უცხო ქვეყნის წარმომადგენლების მიერ საქართველოში დარეგისტრირებული სატრანსპორტო ლოჯისტიკური კომპანიები. დღეს ტრაილერების მძღოლებს ფოთის მერი ბექა ვაჭარაძე შეხვდა, მათი პოზიციები მოისმინა და აღნიშნულ საკითხში გარკვევას დაჰპირდა.
ტრაილერების მძღოლების განცადებით, პროტესტი მოთხოვნების დაკმაყოფილებამდე გაგრძელდება.
