ევროპის ცენტრალური ბანკის მმართველი საბჭოს წევრის განცხადებით, ევროპა რუსეთთან ომში უკვე ჩაბმულია. Financial Times-ის ცნობით, ლატვიის ცენტრალური ბანკის ხელმძღვანელმა ევროპელ პოლიტიკოსებს მოუწოდა, რომ ევროკავშირის ფინანსური სისტემა პირდაპირი სამხედრო თავდასხმისთვის მოამზადონ.
მარტინს კაზაკსი განმარტავს, რომ გულუბრყვილობაა იმის ფიქრი, თითქოს ევროპა უკვე ომში არ იყოს რუსეთთან. კაზაკსის თქმით, მართალია, კონფლიქტი ფრონტის ხაზზე არ ხდება, თუმცა აქტიურად მიმდინარეობს ევროპის წინააღმდეგ კიბერ თავდასხმები.
