ეს არის სისტემური და მნიშვნელოვანი გარღვევა საარჩევნო კანონმდებლობაში, როდესაც არჩევნები ჩატარდება ელექტრონული მანქანების გამოყენებით, რომელიც დაზოგავს საარჩევნო დროს და მოახდენს უფრო სწრაფ ადმინისტრირებას, – ამის შესახებ გადაცემაში „იმედი LIVE“ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა განაცხადა.
„ცესკოს გაწეული სამუშაოსთვის საერთაშორისო სიმპოზიუმზე გადაეცა ჯილდო, როგორც საუკეთესო ადმინისტრატორებს. შესაბამისად, ეს არის საქართველოს ცენტრალური საარჩევნო კომისიის კიდევ ერთი აღიარება საერთაშორისო დონეზე. რა თქმა უნდა, ისინი აგრძელებენ კამპანიას, მიაწოდონ მოსახლეობას ინფორმაცია, თუ რა სარგებელი ექნება ამ სისტემას ჩვენთვის“, -აღნიშნა ოხანაშვილმა.
