მარნეულის მუნიციპალიტეტის მერი დაურ ისმაილოვი სპორტის საერთაშორისო დღის აღსანიშნავად მერიის ორგანიზებულ მარათონს დაესწრო, რომელიც სოფელ იმირის მიმდებარედ, „გადაჭრილ გორასთან“ მისასვლელ გზაზე გაიმართა.
მარათონში მარნეულის მუნიციპალიტეტის საჯარო სკოლების მოსწავლეები მონაწილეობდნენ. გოგონებში გამარჯვება თამარისის, ხოლო ვაჟებში საიმერლოს საჯარო სკოლის წარმომადგენელმა მოიპოვეს.
ასევე, სპორტის საერთაშორისო დღის ფარგლებში გაიმართა მკლავჭიდის შეჯიბრი, რომელიც მარნეულის სპორტული სკოლის ორგანიზებით ჩატარდა.
ღონისძიების მიზანს ჯანსაღი ცხოვრების წესის პოპულარიზაცია და ახალგაზრდებში სპორტისადმი ინტერესის გაზრდა წარმოადგენდა.
