ისრაელის თავდაცვის მინისტრმა, ისრაელ კაცმა განაცხადა, რომ ისრაელის თავდასხმები ირანზე გამწვავდება და გაფართოვდება.
„პრემიერ-მინისტრმა [ბენიამინ ნეთანიაჰუმ] და მე გავაფრთხილეთ ირანის ტერორისტული რეჟიმი, შეეწყვიტათ რაკეტების სროლა ისრაელის სამოქალაქო მოსახლეობის მიმართულებით. გაფრთხილებების მიუხედავად, ცეცხლი გაგრძელდა. შესაბამისად, ისრაელის თავდაცვის ძალების დარტყმები ირანში გამწვავდება და გავრცელდება დამატებით სამიზნეებსა და რაიონებზე, რომლებიც ხელს უწყობენ რეჟიმს ისრაელელი სამოქალაქო პირების წინააღმდეგ იარაღის შექმნასა და გამოყენებაში“, – განაცხადა ისრაელის თავდაცვის მინისტრმა.
კაცის განცხადებაში არ იყო დაკონკრეტებული, თუ რას მოიცავს გაფართოებული ოპერაციები.
„ჩვენ კვლავაც გავაგრძელებთ ტერორისტული რეჟიმის ლიდერებსა და მეთაურებზე ნადირობას და მისი სტრატეგიული შესაძლებლობების განადგურებას“, – დასძინა კაცმა.
