„არაბთა გაერთიანებული საამიროები კანადაში 50 მილიარდ დოლარამდე ინვესტიციას ჩადებს ისეთ ინდუსტრიებში, როგორიცაა ხელოვნური ინტელექტი, ენერგეტიკა და სამთო-მომპოვებელი პროექტები”-წერს საერთაშორისო საინფორმაციო სააგენტო Reuters-ი.
„როიტერსის“ ცნობით, არაბთა გაერთიანებული საამიროები საზღვარგარეთ ენერგეტიკის სფეროში ინვესტიციების გაფართოებას ცდილობს, განსაკუთრებით ახლახან შექმნილი კომპანია XRG-ის მეშვეობით, რომელიც აბუ-დაბის ნავთობის მსხვილი კომპანიის, ADNOC-ის, უცხოური ინვესტიციების განყოფილებაა.
როგორც გამოცემა წერს, აბუ-დაბი დიდ ინვესტიციებს დებს ასევე ხელოვნურ ინტელექტში და ამერიკული ტექნოლოგიების გამოყენებით, მსოფლიოში ერთ-ერთი უდიდესი მონაცემთა ცენტრის ჰაბის აშენებას გეგმავს.
გამოცემის ცნობითვე, არაბთა გაერთიანებული საამიროების ინვესტიციების სამინისტროს თქმით, შეთანხმებაზე ხელმოწერა კანადის პრემიერ-მინისტრის, მარკ კარნის მიერ, აბუ-დაბიში მისი ვიზიტის ფარგლებში მოხდა.
https://www.reuters.com/business/energy/uae-invest-up-50-billion-canada-industries-such-ai-energy-2025-11-21/?taid=692078953a785600013d207c&utm_campaign=trueAnthem:+Trending+Content&utm_medium=trueAnthem&utm_source=twitter
