საფრანგეთში ძალაში შევიდა კანონი უცხოური ჩარევის წინააღმდეგ, რომელიც პარლამენტმა შარშან, 2024 წლის ივნისში დაამტკიცა.
უცხოური ჩარევის წინააღმდეგ კანონი საფრანგეთში უცხოური ინტერესების წარმომადგენლებს ავალდებულებს, დარეგისტრირდნენ ეროვნულ რეესტრში. აძლიერებს ჩარევის ოპერაციების მონიტორინგს, სადაზვერვო სამსახურებს საშუალებას აძლევს, საეჭვო ონლაინაქტივობები ალგორითმული მონიტორინგის საშუალებით შეამოწმონ.
კანონი უცხოური ჩარევის შემთხვევაში, კონკრეტული პირის ან ორგანიზაციის აქტივების გაყინვას ითვალისწინებს. რეგულაცია ასევე გულისხმობს ჯარიმების გაზრდას საკუთრებაზე ან ადამიანებზე თავდასხმისთვის, თუ დანაშაული „უცხოური სუბიექტის ინტერესების მსახურების მიზნით“ არის ჩადენილი.
დანაშაულებისთვის, რომლებიც, როგორც წესი, სამი წლით თავისუფლების აღკვეთით ისჯება, სასჯელი ექვს წლამდე გაიზრდება. ოცდაათი წლით თავისუფლების აღკვეთით დასჯილ დანაშაულის ჩამდენს კი, უვადო თავისუფლების აღკვეთა ემუქრება.
