ევროპარლამენტარი ანდრაშ ლასლო სოციალურ ქსელ X-ში წერს, რომ კორუმპირებულ არასამთავრობო ორგანიზაციებზე მილიარდობით დოლარი აღარ დაიხარჯება.
ლასლო მიესალმება ამერიკის სახელმწიფო მდივნის, მარკო რუბიოს განცხადებას, რომ USAID-ი ოფიციალურად დაიხურა.
ევროპარლამენტარის თქმით, ამიერიდან USAID-ის მიერ დაფინანსებული NGO-ები, „ვოუქ“ იდეოლოგიას ვეღარ გაავრცელებენ.
ლასლოს განცხადებით, აშშ-ის პრეზიდენტის, დონალდ ტრამპის ადმინისტრაციამ თავისი პირობა შეასრულა, თუმცა ახლა მნიშვნელოვანია რომ არ დაუშვან ევროკავშირის მიერ იმავე კორუმპირებული „მემარცხენე“ NGO-ების ქსელის დაფინანსება.
