შვეიცარიაში ამერიკის შეერთებულ შტატებსა და ჩინეთს შორის სავაჭრო მოლაპარაკებები გაიმართა. ეს პირველი მაღალი დონის შეხვედრაა მხარეებს შორის, რომელიც აშშ-ის პრეზიდენტის დონალდ ტრამპის მიერ ჩინეთისთვის ტარიფების დაწესების შემდეგ დაიწყო. შეხვედრას სოციალურ ქსელ Truth Social-ში თავად ტრამპიც გამოეხმაურა და ვაშინგტონსა და პეკინს შორის ურთიერთობების გადატვირთვა დააანონსა.
„ძალიან კარგი შეხვედრა გვქონდა დღეს ჩინეთთან შვეიცარიაში. ბევრი რამ განვიხილეთ, ბევრ რამეზე შევთანხმდით.
მეგობრულ და კონსტრუქციულ გარემოში ტოტალურ გადატვირთვაზე შევთანხმდით. გვინდა ჩინეთისა და აშშ-ის კეთილდღეობისთვის ვნახოთ ამერიკული ბიზნესისთვის გახსნილი ჩინეთი. დიდებულ პროგრესს მივაღწიეთ“, – წერს ტრამპი.
