88 ხმით არც ერთის წინააღმდეგ – მე -11 მოწვევის პარლამენტმა დეპუტატთა ახალი შემადგენლობის უფლებამოსილება ცნო. ასევე, კენჭი ეყარა იმ დეპუტატთა უფლებამოსილების ცნობას, რომლებიც მანდატებზე ამ დრომდე უარს ამბობენ.
უფლებამოსილების ცნობის შემდეგ, დეპუტატებმა ქვეყნისადმი ერთგულების ფიცი დადეს. შესრულდა სახელმწიფო ჰიმნი.
ახლად არჩეული პარლამენტის სხდომა უხუცესმა წევრმა ლადო კახაძემ გახსნა.
რეგისტრაცია 89 წევრმა გაიარა. სხდომას არ დაესწრო ოპოზიცია, რომელიც ბოიკოტის რეჟიმში იმყოფება.
დღევანდელ სხდომაზე ჩამოყალიბდება ფრაქციები, დეპუტატები პარლამენტის თავმჯდომარეს, მის პირველ მოადგილესა და სხვა მოადგილეებს აირჩევენ, რისთვისაც 76 დეპუტატის მხარდაჭერაა საკმარისი.
