არჩევნების სავარაუდო გაყალბების საქმეზე გამოძიება გრძელდება. თბილისის საქალაქო სასამართლოში მოსამართლის თანდასწრებით იკითხებიან ხატია დეკანოიძე და მარიამ დოლიძე. გამოკითხვაზე შესვლისას ორივემ დააანონსა, რომ არ ითანამშრომლობენ გამოძიებასთან. საუბრობენ მხოლოდ საჯარო წყაროებში გასულ ინფორმაციასთან დაკავშირებით.
„ამ სასამართლოს და პროკურატურას მე სრულ უნდობლობას ვუცხადებ. ამ არჩევნებს ვერ ექნება ლეგიტიმაცია. მოუსმინონ ათასობით დამკვირვებელს“, – აცხადებს ხატია დეკანოიძე.
