აბუ-დაბიში სომხეთისა და აზერბაიჯანის ლიდერების შეხვედრა გაიმართა. პრემიერ-მინისტრი ნიკოლ ფაშინიანი და პრეზიდენტი ილჰამ ალიევი ერთმანეთს შუამავლების გარეშე პირველად შეხვდნენ. მოლაპარაკებები 4 საათს გაგრძელდა და მიმდინარეობდა როგორც „ერთი ერთზე“ ფორმატში, ასევე დელეგაციების მონაწილეობით.
მხარეებმა განიხილეს სამშვიდობო შეთანხმების ხელმოწერა და ზანგეზურის დერეფნის გახსნა.
ამ ეტაპზე ერევანმა და ბაქომ რაიმე გარღვევას ვერ მიაღწიეს, თუმცა, ცნობილი ხდება მათი პოზიციების დაახლოების შესახებ. სამშვიდობო შეთანხმების ხელმოწერის ადგილი და თარიღი კვლავ უცნობია.
