უკრაინას ტერიტორიების დათმობა უსაფრთხოების გარანტიების სანაცვლოდ მოუწევს, – განაცხადა აშშ-ის პრეზიდენტის, დონალდ ტრამპის მრჩეველმა ეროვნული უსაფრთხოების საკითხებში მაიკ უოლცმა.
მისივე თქმით, ნაკლებად სავარაუდოა უკრაინის ნატოში გაწევრიანებაც, რასაც არა მხოლოდ შეერთებული შტატები, არამედ ალიანსის წევრი რამდენიმე ქვეყანაც იზიარებს.
„მოდით, ასე ვთქვათ, ტერიტორიები უსაფრთხოების გარანტიების სანაცვლოდ, რომელსაც უკრაინა მიიღებს. რაც შეეხება ნატოში უკრაინის გაწევრიანების საკითხს, ეს ნაკლებად სავარაუდოა. ამ პოზიციას იზიარებს არა მხოლოდ შეერთებული შტატები, არამედ რამდენიმე სხვა ქვეყანაც“, – თქვა უოლცმა.
