ბულგარეთის მსოფლიო თასზე, საქართველოს მოფარიკავეთა ნაკრები პლანეტის 8 საუკეთესო გუნდს შორის მოხვდა. გუნდური ასპარეზობები ოცდამეთორმეტედ ფინალიდან დაიწყო, სადაც საქართველომ საუდის არაბეთი 45:38 დაამარცხა. შემდეგ ეტაპზე კი ირანის გუნდს 45:36 სძლია და მეოთხედფინალში გავიდა.
ნახევარფინალში გადასასვლელი ბრძოლა ქართველმა მოფარიკავეებმა საფრანგეთთან დათმეს და საბოლოოდ ადგილი მსოფლიოს მასშტაბით, 8 საუკეთესო გუნდს შორის დაიმკვიდრეს.
ამავე ტურნირზე ინდივიდუალურ ასპარეზობაში სანდრო ბაზაძემ ბრინჯაოს მედალი მოიპოვა.
