ექსპერტი, ამირან სალუქვაძე აცხადებს, რომ „გირჩი – მეტი თავისუფლების“ მიერ ახალგაზრდებისთვის ტრენინგების ჩატარება შესაძლოა კანონდარღვევაც იყოს.
„შესაძლოა კანონიც ირღვეოდეს და ირღვეოდეს ბავშვთა უფლებები. სრული პასუხისმგებლობით ვამბობ, რომ მთელი საზოგადოება უნდა ჩაერთოს ამ ყველაფერში და განსაკუთრებით სათანადო სტრუქტურები – დაწყებული განათლების სამინისტროდან, თუ რამდენად ჯდება ეს ყველაფერი ჩვენს კანონმდებლობაში“, – აღნიშნა ამირან სალუქვაძემ.
„ქრონიკის“ ინფორმაციით, „გირჩი – მეტი თავისუფლების“ ლიდერები ახალგაზრდებს საპროტესტო აქციების დაგეგმვასა და ხელისუფლების საწინააღმდეგო კამპანიის ჩატარებაში ატრენინგებენ.
