პროდიუსერი შაკო ჩაჩანიძე, „იმედზე“ გამართულ დებატებთან დაკავშირებით, რომელშიც განათლების მინისტრი გივი მიქანაძე, მოადგილესთან ერთად მონაწილეობდა, ოპოზიციის რეაქციას სოციალურ ქსელში ეხმიანება.
ჩაჩანიძის განცხადებით, ნაცებმა დებატის შინაარსს რომ ვერაფერი დაუწუნეს, განათლების „ექსპერტმა“ სიკო ჯანაშიამ მინისტრს მომაკვდინებელი ბრალდება წარუდგინა, თითქოს, სიტყვა „მაქსიმალური“ ბევრჯერ თქვა.
,,გუშინ ტელეკომპანია „იმედზე“ ახალი ფორმატის დებატები დაიწყო. პირველი სტუმარი იყო განათლების მინისტრი გივი მიქანაძე მოადგილესთან ერთად. მათ საზოგადოების ყველა, მათ შორის მწვავე და კრიტიკულ კითხვებს უპასუხეს და 2 საათზე მეტი დროის განმავლობაში მიდიოდა ეს ჩაჭიდებული საუბარი.
რა ქნეს ამ დროს ნაცებმა? დებატის შინაარსს რომ ვერაფერი დაუწუნეს და ხინჯი ვერ უპოვეს, განათლების „ექსპერტმა“ სიკო ჯანაშიამ მინისტრს მომაკვდინებელი ბრალდება წარუდგინა – აქაოდა სიტყვა „მაქსიმალური“ ბევრჯერ თქვაო. ეჰ, სიკო, სიკო, ასე სახელს ამართლებდე, მეორე არ მინახავს.” – წერს ჩაჩანიძე სოციალურ ქსელში.
